26/03/2014 10:48:34

Bajerni i Mynihut është kampion i Gjermanisë

Bajerni i Mynihut është kampion i Gjermanisë. Skuadra e fituar nga Pep Guardiola ka ruajtur titullin e fituar në sezonin e kaluar nga Jup Hajnkes, duke vendosur dhe një rekord të ri

HermesNews - Bajerni i Mynihut është kampion i Gjermanisë. Skuadra e fituar nga Pep Guardiola ka ruajtur titullin e fituar në sezonin e kaluar nga Jup Hajnkes, duke vendosur dhe një rekord të ri. Bavarezët janë shpallur kampionë të Gjermanisë duke e fituar titullin që në javën e 27-të. Për herë të parë në historinë e Bundesligës një skuadër e fiton titullin kaq herët, që në muajin mars. Pep Guardiola ka thyer kështu rekordin e vendosur nga Hajnkes në sezonin e kaluar. Bavarezët kanë fituar edhe në Berlin 3-1, duke mbyllur llogaritë shtatë javë nga fundi. Për t’u theksuar se ky është titulli i tetë radhazi që Bajerni e fiton në transfertë. Për herë të fundit në Mynih e ka fituar në sezonin 1999-2000.

8 titujt e fundit të Bajernit
25 mars 2014 titulli në Berlin Java 27
6 prill 2013 titulli në Frankfurt Java 28
8 maj 2010 titulli në Berlin Java 34
4 maj 2008 titulli në Volfsburg Java 31
6 maj 2006 titulli në Kaizerslautern Java 33
30 prill 2005 titulli në Kaizerslautern Java 31
26 prill 2003 titulli në Volfsburg Java 30
19 maj 2001 titulli në Hamburg Java 34

Arbër Meçenovi

Dërgo me email | Stampo artikullin