24/03/2014 01:00:41

Barcelona thyen Real-in e 'pamposhtur'

Madridi vishet me ngjyrat kuqeblu. Në stadiumin 'Santiago Bernabeu' triumfon Barcelona

HermesNews - Madridi vishet me ngjyrat kuqeblu. Në stadiumin “Santiago Bernabeu” triumfon Barcelona. Një ndeshje që i ka pasur të gjitha, gola, kartona dhe raste të dyshimta të cilat ndoshta kanë përcaktuar dhe fatin e ndeshjes. Me këtë fitore ekipi i Tata Martino rihap La Liga-n dhe futet në gare për fitimin e titullit kampion. Një ndeshje me ritëm të lartë, 90 minuta plot adrenalin dhe raste për gol. Në fillim kanë gjetur avantazhin skuadra mike me Iniesta, me pas vjen dhe reagimi madrilen të cilët kalojn në avantazh me Benzema. Skuadra e drejtuar nga Ancelotti humbet fushë, ku Barca fiton terren dhe arrin të barazoj me Messi-n.

Pjesa e dytë do të flasi gjatë, shumë raste të dyshimta, që tek penalltia e parë e Cristiano Ronaldo-s ku këmba është jashtë zone por për gjyqtarin nuk është kështu i cili akordon 11 metërsh. “Topi i Artë” shënon pa problem, blancos në avantazhë. Më pas sërishtë protagonistë gjyqtari i cili jep një 11 metërsh për Barcelonen, ku kontakti midis Neymar dhe Sergio Ramos ka qënë, por braziliani është nisur nga nje pozicion jashtë loje. Argjentinasi shënon dhe barazon rezultatin, ndërsa mbrojtësi spanjoll del me të kuq. Reali me 10 lojtar. Të dyja skuadrat sulmojnë, tek madrilenet duket dhe lodhja nervore e cila po ndikon në anën fizike. Barcelona sulmon me Iniesta i cili fiton një penallti tjetër. Sërish Messi shënon dhe ndeshja përfundon 3-4. Për tu theksuar që Reali nuk humbiste prej 33 ndeshje, humbja e fundit ishte ndeshjen e pare kundër Barcelones në “Camp Nou. Një ndeshje shumë e bukur e cila do të futet në histori si një nga “El Classico” më spektakolare.

Arbër Meçenovi

Dërgo me email | Stampo artikullin