21/03/2014 14:06:20

Rritet çmimi i energjise elektrike

Prodhimi total i energjisë elektrike, njofton INSTAT, përbën 75.1 përqind të sasisë gjithsej të energjisë, e cila u rrit me 47.2 përqind.

TIRANE - Energjia elektrike e përftuar nga të gjitha burimet, në vitin 2013 u rrit me 16.7 përqind, krahasuar me vitin 2012. Sipas të dhënave zyrtare të Institutit të Statistikave, sasia e energjisë së prodhuar dhe asaj të importuar rezultoi 9.310 GWh. Prodhimi total i energjisë elektrike, njofton INSTAT, përbën 75.1 përqind të sasisë gjithsej të energjisë, e cila u rrit me 47.2 përqind. Sasia totale e prodhuar në vitin 2013 është 6.987 GWh nga 4.745 GWh e prodhuar në vitin 2012. Burimi kryesor i prodhimit të energjisë elektrike është prodhimi nga hidrocentralet. Sasia e energjisë së prodhuar prej tyre është rritur 44.3 përqind krahasuar me vitin paraardhës. Prodhimi nga HEC-et përfaqëson 83.6 përqind të prodhimit gjithsej të energjisë, ndërsa prodhimi i energjisë nga impiantet private e me konçension përbën 16.4 përqind të energjisë në vend. Rritje prej 64.5 përqind pati edhe energjia elektrike e prodhuar nga impiantet private e me konçension krahasuar me një vit më parë.

HermesNews - ©2014

Dërgo me email | Stampo artikullin