17/03/2014 16:44:37

Nisin aplikimet për fondet e BEsë

Kjo është thirrja e tretë për shpërndarjen e fondit IPARD like 2013-2015

TIRANE - Fermërët dhe agropërpunuesit kanë afat deri më 2 Maj për të përfituar grante nga fondi i vënë në dispozicion prej 4 milionën eurosh nga Bashkimi Europian. Ministria e Bujqësisë, bëri të ditur sot se, kjo është thirrja e tretë për shpërndarjen e fondit IPARD like 2013-2015, dhe garantoi fermeret dhe agropërpunuesit se aplikimet e reja reduktojnë burokracitë, shkurtojnë kohën për lidhjen e kontratave. Alban Zusi, Zv.Ministër i Bujqësisë u shpreh gjatë nje takimi në Tiranë me fermerë se, në thirrjen e parë janë eleminuar rreth 50 për qind e aplikuesve për shkak të mungesave në dokumentacion. Ndaj për të përfituar sa më shumë, fermerët duhet te konsultohen me ekspertet per hartimin e dosjeve. Suela Popa, Drejtore e AZHBR, tha se, për grantet në agropërpunim dhe ferma mund të aplikojnë edhe fermërët që janë skualifikuar në dy thirrjet e para për shkak të mungesës së dokumentacionit. Subvencioni përfitohet pas realizmit të investimit.

HermesNews - ©2014

Dërgo me email | Stampo artikullin