26/02/2014 23:01:39

Kupa e Shqipëris: Flamurtari-Vllaznia 1-0. Eleminohet Vllaznia

Skuadra e drejtuar nga Canaj i largohet trofeut të vetëm në garë për këtë sezon. Golin e fitores për Flamurtarin e shënon Abilaliaj

HermesNews - Ekipi I Flamurtarit ka bërë një hap të rëndësishëm në këtë sezon futbollistik duke kaluar në 1/4 e kupës së Shqipërisë. Të besuarit e Ernest Gjokës kanë mundur në një ndeshje spektakolare Vllazninë me rezultatin 1-0 dhe duke siguruar kualifikimin, pasi në Shkodër ishte mbyllur 0-0. Ndeshja ka nisur me një ritëm të lartë ku dukej qartazi dominimi I vlonjatëve. Flamurtari I është afruar 2 herë golit në pjesën e parë duke goditur shtyllën. Me një lojë të shpejtë dhe aggressive mbyllen 45 e pesë minutat e para për të kaluar tek të dytat që ishin dhe me emocionuese. Flamurtari duket qartësisht i orentuar përpara, me qëllim që ta zhbllokojë sa më shpejt të jetë e mundur rezultatin dhe të evitojë shtimin e ngarkesës psikologjike, pasi njw 0-0 do ti ndërlikonte më shumë gjerat. Kuqezinjtë shpërblehen në minutën e 51-të, kur Abilaliaj lëshon një goditje të kalibruar tokazi, duke e mposhtur malazezin Vujadinoviç I cili kishte pjesën e tij të fajit tek ky gol. Canaj ka tentuar gjithcka, edhe përmes zëvendësimeve të kryera pas disavantazhit, që të barazojë e të kalojë skuadra e tij në gjysmëfinale të Kupës, por vendësit janë treguar mjaft të saktë në administrimin e rezultatit dhe e kanë mbrojtur deri në minute e fundit.Mbyllet 1-0 dhe Flamurtari siguron kualifikimin që mund ti shërbejë për të shpëtuar sezonin. Na ndiqni dhe në Facebook dhe Twitter

Arbër Meçenovi

Dërgo me email | Stampo artikullin