22/02/2014 12:10:58

Paskali takon botën e biznesit në Piemonte

Projekte dhe ide konkrete për bashkëpunime. Konfindustria e Torinos, organizon takimet e zv. ministres ne Piemonte. Shqipëria është në qëndër të interesit italian, për investime dhe njohje me paketat e reja fiskale

TORINO - Zv. ministrja e ekonomisë Brunilda Paskali, sapo ka zhvilluar një takim të rëndësishëm në Torino (Itali) ku u njoh me të rejat e realitetit ekonomik në këtë vend.

Një program impenjativ dhe i ngjeshur me takime ishin dy ditët e Paskalit në mes të biznesit dhe imprenditorisë italiane e cila njeh një numër të konsiderueshëm të krahut të saj të punës në Shqipëri.

Shqipëria është në qëndër të interesit italian, për investime dhe njohje me paketat e reja fiskale. Eventi ishte organizuar nga Presidenti honorar i konfindustrisë shqiptare në piemonte Giovanni Firera, i njohur për takimet e organizuara mes delegacioneve shqiptare dhe italiane.

Takimet filluan që të dielën me drejtuesit e CNAsë, organizata më e madhe që mbledh rreth saj bizneset e vogla dhe të mesme në Itali. CNA përfaqëson 40 mijë azienda në Piemonte dhe 600 mijë në të gjithë Italinë.

Takimi i organizuar nga Presidenti i Rajonit Franco Cudia ishte i ngjeshur dhe me projekte konkrete. Zv.ministrja Paskali, takoi dhe Drejtorin rajonal të INPS Gregorio Tito me të cilin foli për tutelën sociale dhe sistemin e pensionit për shtetasit shqiptar në Itali.

Më pas ishte takimi i radhës në Unionin industrial të torinos, një bisedë e qartë dhe e detajuar, kjo mes palëve.

Ministrja Paskali hodhi në tryezë projekte që i interesonin një grupi të madh imprenditorësh, sidomos ato që lidhen me idetë e përbashkëta për t’i ndjekur, në formimin industrial dhe bashkëpunime të tjera të fushave të ndryshme.

Delegacioni zyrtar i Ministrisë së ekonomisë, Brunilda Paskali, që mori pjesë në të gjitha takimet, përbëhej nga Drejtori i përgjithshëm i AIDAs (Agjencia e zhvillimit të investimentëve në shqipëri) Ardit Collaku, Drejtori i përgjithshëm i konfindustrisë Agim Bufi dhe nga Presidenti honorar i konfindustrisë në Itali Giovanni Firera.

Në Torino erdhën dhe përfaqësues të organizatës së Konfindustrisë së Puglias dhe Sicilisë. Interesi ndaj Shqipërisë rritet gjithnjë e më shumë në rajone të tjera të Italisë.

Shqipëria është vendi ku për shumë biznese italiane përfaqëson një frymëmarrje të re. Presidenti i këshillit rajonal Fabrizio Comba priti më pas delegacionin i cili u spostua në strukturën europiane të dell’ITC (OKB) për një darkë pune me të gjithë.

Pyetje dhe përgjigje që ndoqën orët e mëvonshme të mbrëmjes, për t'u njohur realitetin e ri shqptar. Paskali të nesërmen mbajti dhe një Lectio Magistralis në institutin Sommelier të Torino-s, ku takoi shumë studentë shqiptarë që frekuestojnë këtë institut. //HermesNews - ©2014// Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin