12/02/2014 17:23:18

TPL. INSIG zhgënjen. Mund të hetohet si të tjerat

Komisioni parlamentar për ekonominë kërkon informacion për rritjen e koordinuar të sigurimit L6000 brenda një dite, nga ana e kompanive private të sigurimeve

TIRANE - Kryetari i komisionit parlamentar për ekonomine dhe financat, Erion Braçe i ka kërkuar sot, nëpërmjet një shkrese zyrtare tre Institucioneve përgjegjëse, Autoritetit të Mbikqyrjes Financiare, Autoritetit të Konkurencës dhe Ministrisë së Financave, informacion në lidhje me rritjen e koordinuar të sigurimit të detyrueshëm motorrik mes kompanive private. Kërkesa e u bë pas vendimit të kompanive të sigurimit për rritjen e tarifës së pagesës së sigurimit të detyrueshëm TPL për automjetet e zakonshme me 6 mijë lekë, brenda një dite.

Një tjetër fakt shqetësues për z Braçe është përfshirja në këtë marrëveshje edhe e kompanisë publike INSIG. Në shkresën drejtuar institucioneve përgjegjëse theksohet se që prej muajit shkurt të vitit të kaluar e deri sot, kompanitë e sigurimit e kanë rritur 4 herë pagesën e sigurimit të detyrueshëm TPL, ndërsa që prej ditës së martë, rritja është në vlerën e 6 mijë lekë, ose 43% më shumë se çmimi i mëparshëm.

Nisur nga faktet, Kryetari i Komisionit Parlamentar për Ekonominë dhe Financat, Erion Braçe i ka shprehur shqetësimin institucioneve përgjegjëse lidhur me dyshimet për një marrëveshje karteli, të fshehtë, mes operatorëve në treg duke kërkuar hetim, reagim dhe shpjegime të menjëhershme në lidhje me këtë treg dhe veprimet e fundit. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin