16/01/2014 17:49:00

Tjeter mandat per Blatter

'nuk kam vendosur ende per te ardhmen time, pasi gjithçka eshte e hapur'

TIRANE - Joseph Blatter, president i FIFA-s, eshte shprehur se do te vendose per te kerkuar tjeter mandat "para kongresit" te kesaj instance, qe do te mbahet me 10 e 11 qershor. "Une po perseris ate qe e kam thene edhe me pare: une nuk kam vendosur ende per te ardhmen time, pasi gjithçka eshte e hapur. Une do ta marr vendimin para kongresit te ketij viti", tha zvicerani te enjten. Zgjedhjet per presidencen e FIFA-s do te zhvillohen ne vitin 2015.

Per Michel Platini, president i UEFA-s, i cili ende nuk ka shprehur interesin e vet, Blatter theksoi se ish-kapiteni i ekipit te Frances e "ndihmoi ne zgjedhjen ne krye te FIFA-s me 29 e 30 mars 1998 ne Paris, ku ishim te vetem ndaj te gjitheve", u shpreh ai. "Do te jene diçka logjike" nese ish-ylli i Juventusit do ta zevendesoje, tha Blatter, 77 vjeç, president qe nga 1998. Platini, 58 vjeç, eshte shprehur nga ana e vet ne shtator se ai do ta marre vendimin per te paraqitur kandidaturen per zgjedhjet presidenciale te FIFA-s gjate ose pas Kupes se botes ne Brazil (12 qershor-13 korrik). Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin