11/01/2014 13:43:08

Tirana largon nacionalizmat. Thaçi, shtëpia jonë Europa

Tolerancë, miqësi dhe bashkëpunim me Kosovën

PRIZREN - Qeveria e Kosovës dhe Shqipërisë nënshkruan, në Shtëpinë e Lidhjes Shqiptare të Prizrenit, dokumentin për bashkëpunim dhe partneritet strategjik mes dy vendeve.

Gjatë mbledhjes së përbashkët të dy qeverive u nënshkruan dhe disa marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës, për bashkëpunimin në lehtësimin e tregtisë, në fushën e transportit dhe infrastrukturës, bashkë-financim të pajisjeve mjekësore të Maternitetit të Preshevës, si dhe jetësimin e bashkëpunimit në rrafshin konsullor ndërmjet dy vendeve tona.

Mes dy Qeverive u bisedua edhe për avancimin e axhendave integruese të dy vendeve, themelimin e Komisionit të Përbashkët Teknik për përkthimin e legjislacionit të BE-së, si dhe bashkëpunimin në sferën e përafrimit të legjislacionit. "Ekspertët tanë, tha Thaçi, do të punojnë bashkarisht për shqyrtimin e marrëveshjeve të mëparshme mes dy vendeve dhe identifikimin e fushave të tjera, ku mund të thellohet bashkëpunimi."

Në mbledhje u shqyrtua edhe projekt-idea për bashkëpunim në fushat e Kulturës, Sigurisë, Energjisë dhe përmirësimit të standardeve te jetesës së shqiptarëve në rajon. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin