06/01/2014 00:14:22

Juve ç'monton Romen. Është arratisje për titull

Bardhezinjtë mundin 3-0 verdhekuqtë fale golave të shënuar nga Vidal, Bonucci e Vucinic me penallti. Roma e mbyll takimin me 9 lojtarë për shkak të përjashtimëve të De Rossi dhe Costan

HermesNews - Pa "ndihmesa" e pa mëshire. Juventusi i Antonio Conte konfirmohet mbretëresha e kampionatit italian, që në janar arrin të ketë arratisjen e vërtet për titull.

Janë 10 fitoret rradhazi në Serie A për bardhezinjtë (barazuar rekordi i 1932) dhe janë 8 pikët avantazh ndaj verdhekuqve, me një marrsh të çmendur: 49 pikë në 18 ndeshje dhe 9 fitore në po kaq ndeshje 9 në "Juventus Stadium".

Golat mbajnë firmat e Vidal në pjesën e parë dhe të Bonuccit dhe Vucinic me penallti në pjesën e dyte. Juventus supëriore në mentalitet dhe Roma pozitive vetëm në fillimin e ndeshjes, ku për 15-20 minuta ja arrin të krijojë raste të vështira në porten e Buffon.

Skuadra e Garcias shpërbëhet me kalimin e minutave derisa shembet, edhe psikologjikisht pas 2-0 në fillim të pjesës së dytë. Përjashtimet e De Rossi dhe Castan (në 2-0) dëshmojnë nervozimin dhe paaftësinë e disa lojtarëve për të duruar presionin.

Juve solide vdekjeprurse e gjithmonë e para. Kampionati i përfunduar ? Shpejt të thuhet, por supërioriteti i të zotëve të shtëpisë është evident. T'ia rrëmbësh kësaj Juve titullin e tretë rradhazi duket vërtet një mision i vështirë për momentin. Duartrokitje për arbitrin Rizzoli që e drejtoi ndeshjen në mënyrë perfekte. Na ndiqni dhe në Facebook dhe Twitter

Arbër Mecenovi

Dërgo me email | Stampo artikullin