04/12/2013 21:04:56

Luhen takimet e para për Kupën

Në ndeshjen e kthimit të kuqve të partizanit i mjafton barazimi me gola për kalimin e mëtejshëm të turit

HermesNews - Janë luajtur sot takimet e para të turit të dytë të kupës së Shqipërisë. Spikati takimi Partizani-Vllaznia zhvilluar sot në Tiranë në stadiumin "Qemal Stafa" që përfundoi në barazim 0-0. Kjo lë çdo gjë të hapur për takimin e kthimit në Shkodër në "Loro Boriçi".

Në ndeshjen e kthimit të të kuqve të Partizanit i mjafton barazimi me gola për kalimin e mëtejshëm të turit, ndërsa Vllaznisë i duhet medoemos vetëm fitorja në ndeshjen e kthimit për të vazhduar e për të luftuar për fitoren e kupës që është dhe objektivi kryesor për kuqeblutë këtë sezon sportiv.

Takimi i 2-të i kupës shqiptare që mund të quhet takim superlige, është dhe ai i zhvilluar në Roza Haxhiu të Lushnjes, ku lushnjarët u ndeshen me bardheblutë e kryeqytetit Tirana, duke fituar takimin 1 - 0.

Lushnja - Tirana është hera e 2-të që takohen brenda 2 ditësh pasi u ndeshen dhe për kampionat, ku fituan. Në këtë takim vlen të theksohet se për herë të 1-rë në pankinën e Tiranës, ërshtë ulur tekniku i ri i Tiranës Gagush Magani duke marrë humbje në prezantimin e 1-rë në pankinën e Tiranës, ndërsa Lushnjarët konfirmojnë faktin që në fushën e tyre "Roza Haxhiu" janë akoma të pathyshëm.

Takimet e tjera të Kupës dhanë këto rezultate. Shkumbini ndaloi në një barazim pa gola, bregdetarët e Teutës 0 - 0 duke lënë çdo gjë të hapur për ndeshjen e kthimit në Durrës.

Verdhezinjtë e teknikut Mergjyshit kanë humbur përballë laçjanve të teknikut Nica me rrezulatitin e pastër 0 - 2. Me këtë rrezultat laçjanët hipotekuan pothuajse kalimin në turin tjetër të kupës së shqipërisë.

Flamurtari i teknikut Gjoka ka pasur një takim relativisht të lehtë përballë Tomorrit të Beratit duke fituar 0 - 2 dhe duke u kualifikuar pothuajse në turin tjetër të kupës.

Skudra ballshjote Bylis barazoi në fushën e vet përballë Kastriotit të Krujës duke lënë të vendoset çdo gjë në Krujë në takimin e kthimit. Kampionët e superligës të Skenderbeut kanë fituar në transfertë përballë ekipit të Mamurrasit duke fituar bindshëm e pastër 1 - 4 duke vendosur kualifikimin që në ndeshjen e 1-rë.

Kuksianët e teknikut Shensoi kanë humbur takimin e 1-rë të kupës përballë Apollonisë së Fierit me rrezultatin 1 - 0 duke shtyer kualifikimin në ndeshjen e kthimit që do luhet në Kukës. Kupa e Shqiperise e luajtur sot.

Ja rezultatet:
Shkumbini 0 - 0 Teuta
Besa 0 - 2 Laci
Lushnja 1 - 0 Tirana
Tomorri 0 - 2 Flamurtari
Bylis 1 - 1 Kastrioti
Partizani 0 - 0 Vllaznia
Mamurrasi 1 - 4 Skenderbeu
Apolonia 1 - 0 Kukesi. //HermesNews - ©2013// Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin