01/12/2013 17:55:23

Rikthehet superliga shqiptare

Zhvillohen ndeshjet e javës së 13-të të superligës

TIRANE - Janë zhvilluar dje tre nga gjashtë ndeshjet e javës së 13-të të superliges shqiptare, që dhanë këto rrezultate: Lushnja-Tirana 2-1, shënues Canka 23’,Mihani 40’/ Pashaj 42’ Teuta - Besa 0-1 Shënues Berishs 57’ Kastrioti - Bylis 2-1, shënues Sefa 15’, Sheta 88’/ Bakiu 74’.

Bie në sy pathyeshmëria e Lushnjes në fushen e vet, ndërsa Tirana vazhdon të konfirmojë krizën e rrezultateve që e ka mbërthyer, pasi ka marrë të 5-tën humbje rresht.

Në fund të ndeshjes drejtuesit e Tiranës kanë konfirmuar dhe shkarkimin e Bulkut nga pankina e Tiranës. Kujtojmë se deri tani, Tiranën e kanë drejtuar 3 teknikë të ndryshëm, në fillim Nevil Dede pastaj Alpin Gallo e në fund Sokol Bulku.

Kjo javë për tifozët e futbollit ka rezervuar “derbin” e fqinjësisë ndërmjet Teuta-Besa. Këtë takim e fiton skuadra kavajese e drejtuar nga Artan Mergjyshi me gol të shënuar nga Berisha. Tekniku italian i Teutes, Sorrentino akoma s'po merr fitoren e 1-rë në drejtimin e djemve të detit.

Kujtojmë se ndeshja e 1-rë e Sorrentinos në krye të Teutës ka përfunduar në barazim. Na ndiqni dhe në Facebook dhe Twitter

Arber Mecenovi

Dërgo me email | Stampo artikullin