01/11/2013 09:58:42

Rritet kredia per ekonomine

Sipas statistikave mujore të Bankës së Shqipërisë, totali i kredisë për ekonominë në fund të muajit shtator arriti në 547 miliardë lekë

TIRANE - Banka e Shqipërisë bën të ditur se gjatë muajit shtator kredia për ekonominë u rigjallërua, pas një rënie për tre muaj radhazi. Sipas statistikave mujore të Bankës së Shqipërisë, totali i kredisë për ekonominë në fund të muajit shtator arriti në 547 miliardë lekë, duke shënuar një rritje prej 0.44% apo rreth 2.4 miliardë lekë në raport me një muaj më parë. Rritja ka ardhur kryesisht si rrjedhojë e rigjallërimit të huasë në valutë, ndërkohë që ajo në lekë ka mbetur në vend. Në krahasim me fundin e vitit 2012 huaja për ekonominë është tkurrur me 1.3%, apo rreth 7.4 miliardë lekë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin