19/10/2013 15:28:45

Starton turi i 70-të çiklistik i Shqipërisë

Një sërë sponsorësh privatë i janë bashkëngjitur Turit të 70-të Çiklistik të Shqipërisë

TIRANË - Ka startuar sot në mesditë "Turi i 70-të Çiklistik i Shqipërisë", nën emrin "Fair Play Hero". Në këtë tur, ku marrin pjesë ekipe shqiptare, kosovare, nga Bosnje-Hercegovina e më gjerë, përfshihen pesë etapa, të cilat do të përfundojnë më datë 23 tetor, në qytetin e Fierit. Fituesit e Prologut të sotëm, një tur prej 10 xhirosh (36 kilometra) nga bulevardi përballë "Galerisë së Arteve" deri në sheshin "Nënë Tereza", kanë qenë tre çiklistë të ekipit të "Novi Pazarit", përkatësisht vendi i parë i shkoi Marko Danjeloviç, vendi i dytë Dejan Mariç dhe vendi i tretë, Jevan Zekavica. Një sërë sponsorësh privatë i janë bashkëngjitur Turit të 70-të Çiklistik të Shqipërisë, ndërsa partnerë institucionalë janë Komiteti Olimpik Kombëtar Shqiptar, Ministria e Arsimit dhe Sportit si dhe Bashkitë përkatëse ku do të kalojë ky tur. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin