13/10/2013 13:49:44

Europa me 1 milion skllever

Mbi 290 miliarde euro deme nga trafiku dhe krimi

BRUKSEL- Në Bashkimin Europian janë aktive 3.600 organizata kriminale, ndërsa 880 mijë vetë punojnë në praktikë si skllevër të punës dhe një e katërta prej tyre shfrytëzohet seksualisht. Këto të dhëna jepen nga një raport i organizatës së Parlamentit Europian për Luftën kundër Krimit të Organizuar, si dhe korrupsionit dhe riciklimit të parave.

Gazeta gjermane “Spiegel”, shkruan për të dhënat e raportit të cilat do të paraqiten zyrtarisht më 23 tetor në Asamblenë e Strasburgut. Nga këto të dhëna, del se vetëm me trafikun e qenieve njerëzore fitohen mbi 25 miliard euro në vit, teksa trafikimi i organeve njerëzore dhe i kafshëve ekzotike ka një fitim nga 18 deri në 26 miliard euro në vit. Dëmi që u shkaktohet vendeve të Bashkimit Europian, prek shumën e 290 miliard eurove.

Në raport është shkruar se është rritur edhe korrupsioni duke shkatuar një seri kercënimesh, ndërsa në sektorin publik janë regjistuar mbi 20 milion raste me një dëm prej 120 miliard eurosh në vit. Sic deklarohet, krimi është ai që krijon mundësi dhe parajsë financiare.

Edison Myrteza

Dërgo me email | Stampo artikullin