23/09/2013 12:06:21

Euro fiton pikë ndaj dollarit pas fitores së Merkel

Angela Merkel fitoi dje mandatin e tretë radhazi

SINGAPOR - Monedha euro pësoi sot në mëngjes një rritje të lehtë kundrejt dollarit në Azi pas fitores triumfuese të kancelares Angela Merkel, në zgjedhjet parlamentare të së dielës. Rreth orës 05:30, euro u ble me 1,3525 dollarë kundrejt vlerës 1,3524 të së premtes në orën 21:00. Monedha euro, megjithatë, humbi terren kundrejt monedhës japoneze për 134,00 yen kundrejt 134,36 yen që shënoi të premten. Angela Merkel fitoi dje mandatin e tretë radhazi. Kancelarja i dhuroi partisë së saj, CDU, përqindjen më të lartë që prej ribashkimit të vendit në vitin 1990 me 41,5 pë rqind të votave, duke pësuar rritje me 7,8 pikë në raport me zgjedhjet e fundit të 2009-ës. "Zgjedhjet kanë tërhequr vëmendjen ndërkombëtare në një moment kur eurozona po del nga recesioni dhe tregu preferon vazhdimësinë e politikës", komentoi Kelly Teoh i ''IG Markets'' në Singapor. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin