18/09/2013 17:10:03

Radha jonë: FMN nesër në Tiranë për buxhetin

Ekspertët e FMN-së do të japin sugjerimet e tyre edhe për paketën fiskale dhe buxhetin e vitit të ardhshëm

TIRANE - Një mision i Fondit monetar ndërkombëtar pritet të mbërrijë nesër në Tiranë. Misioni i FMN-së do të diskutojë me qeverinë shqiptare për situatën aktuale të financave publike dhe treguesve makroekonomikë, ku kryesorët janë defiçiti buxhetor dhe borxhi publik. Ekspertët e FMN-së do të japin sugjerimet e tyre edhe për paketën fiskale dhe buxhetin e vitit të ardhshëm, pjesë e diskutimeve do të jetë edhe rishikimi i buxhetit të këtij viti. Misioni i FMN-së pritet të zhvillojë takime me kryeministrin Edi Rama, ministrin e Financave, Shkëlqim Cani, përfaqësuesit e opozitës dhe Guvernatorin e Bankës së Shqipërisë, Ardian Fullani. Në përfundim të qëndrimit të tyre në Shqipëri, misioni i FMN-së do të zhvillojë konferencën e përbashkët për shtyp me Ministrin Cani dhe Guvernatorin Fullani, ku do të bëjë publike konkluzionet e takimeve dhe vlerësimin mbi gjendjen aktuale të ekonomisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin