26/07/2013 13:42:33

Rritet kërkesa për energji

Viti 2012 llogaritet viti kur shqiptarët rritën dukshëm konsumin e energjisë elektrike në total 7.616 TWh dhe 3.7% më shumë se në 2011-tën, kur konsumi u rrit me 5% më shumë se një vit më parë

TIRANE - Ndërsa HEC-et mbi Drin prodhojnë sot rreth 13 milionë kwh/ditë energji elektrike, nevojat arrijnë në 19.5 milionë kwh/ditë. Importi i energjisë në total arrin në 6.5 milionë kwh/ditë, prej të cilës 3.6 milionë kwh/ditë importohen nga kompania CEZ Shpërndarje për të mbuluar humbjet në rrjet.

Viti 2012 llogaritet viti kur shqiptarët rritën dukshëm konsumin e energjisë elektrike në total 7.616 TWh dhe 3.7% më shumë se në 2011-tën, kur konsumi u rrit me 5% më shumë se një vit më parë. Në vitin 2010 rritja e konsumit për energji ishte në 6% më shumë se në 2009-tën.

Tendenca e përgjithëshme e konsumit të energjisë elektrike për periudhën 1985-2012 është rritja mesatare vjetore e kërkesës për energji elektrike mesatarisht me rreth 4%.

Krahas rritjes së kërkesës për energji elektrike është rritur edhe piku i ngarkesës përgjatë mbi 25 viteve. Kështu nga 420 MW që ishte rritja e konumit për energji në vitin 1985, arriti në 1436 MW në vitin 2012.

HermesNews - ©2013

Dërgo me email | Stampo artikullin