15/06/2013 17:06:56

QKR, 4345 biznese ne 4 muaj

Ndërsa në 17 vjet u regjistruan në gjykata rreth 103 mijë subjekte, vetëm në 5 vitet e fundit, me çeljen e QKR-së janë regjistruar rreth 77 mijë biznese, me një ritëm vjetor prej 2.54 herë më të lartë

TIRANE - Në katër muajt e parë sivjet në Qëndrën Kombëtare të Regjistrimit të Biznesit (QKR) janë regjistruar rreth 4345 biznese te reja. Burime zyrtare të saj bëjnë të ditur se ndikim në këta tregues ka dhënë klima favorizuese ndaj investitorëve si dhe rikthimi i emigrantëve nga vendet fqinjë ku kriza ekonomike ka dhënë pasoja.

Ndërsa në 17 vjet u regjistruan në gjykata rreth 103 mijë subjekte, vetëm në 5 vitet e fundit, me çeljen e QKR-së janë regjistruar rreth 77 mijë biznese, me një ritëm vjetor prej 2.54 herë më të lartë.

Në QKR, që ka celur zyrat e saj në të gjithë territorin e vendit, vjet u shënua rritje krahasuar me vitin 2011. Ndikim në rritjen e bizneseve të reja po jep kriza ekonomike në Greqi, ku po rikthehen mjaft emigrantë në vendlindje, që po investojnë kursimet në biznese familjare, kryesisht, shërbime dhe tregti.

Sistemi i ri i regjistrimit, i instaluar në zyrat e QKR-së në çdo prefekturë, u jep mundësi subjekteve private që të informohen në kohë reale për statusin e aplikimit që bëjnë dhe bizneset e reja regjistrohen brenda 24 orëve kundrejt pagesës prej 100 lekë.

HermesNews - ©2013

Dërgo me email | Stampo artikullin