31/05/2013 15:35:34

Lisbonë, grevë kundër masave të reja

Papunësia në Portugali është rritur me 18 për qind dhe qeveria po planifikon të shkurtojë 10 për qind të punomjësve në institucionet shtetërore

LISBONË - Sindikata kryesore e Portugalisë, CGTP, ka bërë thirrje për një grevë një ditore, sot në Lisbonë. Mbrëmjen e djeshme, metrot kanë ndaluar punën dhe shërbimi i transportit me metro do të rifillojë vetëm mëngjesin e së shtunës.

Sindikata i bën thirrje qeverisë t'i kërkojë Bashkimit Evropian, Bankës Qëndrore Evropiane dhe Fondit Monetar Ndërkombëtar për të rinegociuar masat e vendosura ndaj Portugalisë në shkëmbim të ndihmës së dhënë vendit prej 78 milion euro në vitin 2011.

Një masë e mëparshme antikrizë e vendosur nga qeveria konservatore e Pedro Passos Coelho, u bllokua nga Gjykata Kushtetuese. Papunësia në Portugali është rritur me 18 për qind dhe qeveria po planifikon të shkurtojë 10 për qind të punomjësve në institucionet shtetërore dhe të rritë moshën e daljes në pension në 65 vjeç.

Një grevë e përgjithshme do të organizohet bashkërisht, në ditët e ardhshme, nga sindikata kryesore, CGTP, dhe gjithashtu nga sindikata e dytë më e madhe, UTG, së bashku me shoqata që përfaqësojnë konsumatorët dhe kategori të ndryshme të punonjësve.

HermesNews - ©2013

Dërgo me email | Stampo artikullin