22/03/2013 06:46:55

Greqia me plan 'B' për bankat qipriote

Sturnaras tha se nëse Qiproja nuk arrin të paraqistë një plan alternativ për hapjen e bankave të saj në Greqi, atëhertë Athina ka plan 'B' të cilin ende nuk mund ta bënte të ditur

ATHINË - Bankat qipriote nuk mund të mbeten të mbyllura gjatë sepse në të kundërt ekonomia e Qipros do të shkatërrohej, ndërkohë që zgjidhja duhet të gjendet në orët në vijim, përndryshe Greqia duhet të bëjë atë që duhet ta bëjë, deklaroi dje në mbrëmje vonë ministri grek i Financave, Janis Strunaras. Në një fjalim në takimin e përbashkët të komisioneve parlamentare për Çështjet europiane dhe ekonomike, Sturnaras tha se nëse Qiproja nuk arrine të paraqiste një plan alternativ për hapjen e bankave të saj në Greqi, atëhere Athina kishte një plan ''B'' të cilin ende nuk mund ta bënte të ditur. "Ekonomia qipriote është shumë më e vogël në krahasim me sistemin e saj bankar dhe të gjithë masat e tjera ofruan rezultate jopozitive", tha Sturnaras. Ai theksoi nevojën e Qipros për të gjetur 17 miliardë euro për rikapitalizimin e bankave dhe shtoi se çdo detyrim mbi 10 miliardë euro do ta bënte të paqëndrueshëm borxhin publik të vendit.

HermesNews - ©2013

Dërgo me email | Stampo artikullin