20/03/2013 18:36:54

BE vëmendje për kapitalet në Qipro

'Autoritetet qipriote kanë tre gjëra për të bërë deri të martën, paraqitjen e një plani B të besueshëm dhe të qendrueshëm për të zëvendësuar planin europian të shpëtimit financiar hedhur poshtë nga Parlamenti, vendosjen e një bllokimi për një kohë të gjatë të kapitaleve të vendosura në banka dhe përgatitjen e bashkimit mes dy bankave kryesore në vështirësi'

(16:17) Bashkimi Europian kërkon të bindë drejtuesit qipriotë të vendosin një bllokim të kapitaleve të vendosura në bankat e ishullit mesdhetar për të shmangur falimentimin e tyre, theksoi sot një burim europian.

"Autoritetet qipriote kanë tre gjëra për të bërë deri të martën, paraqitjen e një plani B të besueshëm dhe të qendrueshëm për të zëvendësuar planin europian të shpëtimit financiar hedhur poshtë nga Parlamenti, vendosjen e një bllokimi për një kohë të gjatë të kapitaleve të vendosura në banka dhe përgatitjen e bashkimit mes dy bankave kryesore në vështirësi'', theksoi ky burim duke e vënë theksin tek rreziku për një dalje të Qipros nga zona euro.

''Rreziku është një dalje e Qipros nga zona euro'', theksoi ai.
Ndërkohë që bankat duhet të qendrojnë të mbyllura deri të martën, urdhërat janë dhënë për tranferimin e miliarda eurove të vendosura në bankat e ishullit mesdhetar që prej rifillimit të aktiviteteve.

''Vendimi për vendosjen e një bllokimi të kapitaleve i përket drejtuesve qipriotë. Traktatet evropiane parashikojnë mundësinë për vendosjen e kësaj mase, por vendimi është politik'', theksoi i njëjti burim.


PARIS - Depozitat bankare të qytetarëve jorezidentë në Qipro arritën në fund të muajit shtator 2012 në 20 miliardë euro, sipas një studimi të publikuar sot nga Instituti Ndërkombëtar i Financës (IIF), që mbështetet në shifrat e Fondit Monetar Ndërkombëtar (FMN) dhe Bankës së Qipros.

Kësaj shume, i shtohen dhe 13,1 miliardë euro promovuar nga filialet greke të bankave qipriote dhe 4,5 miliardë të depozituara në degët e vendosura në vende të tjera. IIF citon shifrat e Bankës Qendrore Europiane (BQE) që thekson se 85 për qind e depozitave të jorezidentëve, rreth 19 miliardë euro vijnë nga vende jashtë Bashkimit Evropian.

Plani i shpëtimit financiar, hedhur poshtë nga parlamenti i Qipros, parashikon një taksë të jashtëzakonshme prej 6,75 për qind për të gjitha depozitat bankare nga 20 000 në 100 000 euro dhe 9,9 për qind, mbi këtë shumë, si këmbim i një kredie prej 10 mialiardë eurosh nga zona euro dhe FMN për ishullin në prag të falimentimit.

HermesNews - ©2013

Dërgo me email | Stampo artikullin