05/03/2013 12:40:07

Francezët, stërvitje dypalëshe në Durrës

Qëllimi i kësaj vizite është planifikimi i stërvitjes ndërmjet anijes franceze 'AMS Jean de Vienne', anijes shqiptare 'Iliria' P-131 dhe zhytësve të Forcave tona Detare

DURRËS - Në portin e Durrësit eshte ankoruar fregata franceze “AMS Jean de Vienne”, e cila vjen në vendin tonë në kuadrin e një vizitë portuale. Kjo vizitë është e përfshirë në Planin e Bashkëpunimit Ushtarak Dypalësh, Shqipëri-Francë për vitin 2013. Qëllimi i kësaj vizite është planifikimi i stërvitjes ndërmjet anijes franceze “AMS Jean de Vienne”, anijes shqiptare “Iliria” P-131 dhe zhytësve të Forcave tona Detare. Vizita partuale e fregatës franceze “AMS Jean de Vienne” do të përfundojë më datë 7 mars 2013. Gjatë këtyre ditëve, përveç stërvitjes së përbashkët midis kësaj anije dhe anijes “Iliria” P-131, do të bëhen vizita në bordin e anijes franceze nga efektivë të Forcave Detare, vizita kulturore të personelit të kësaj anije në Portin e Durrësit, ndeshje futbolli ndërmjet ekipit të anijes franceze dhe ekipit të Shtabit të Forcës Detare etj.

HermesNews - ©2013

Dërgo me email | Stampo artikullin