04/02/2013 17:47:32

Presidenti i BERZH vjen ne Tirane per investimet

Banka është një nga investitorët më të mëdhenj në sektorin privat në Shqipëri

TIRANE - Presidenti i Bankës Europiane për Rindërtim dhe Zhvillim (BERZH) Sir Suma Chakrabarti, do të vizitojë Tiranën në datat 6-7 Shkurt ku do të pritet nga drejtues të lartë në vend. Kjo bankë është një nga investitorët më të mëdhenj në sektorin privat në Shqipëri. Fushat kryesore që asistohen nga BERZH janë : sektori financiar, ndërmarrjet e vogla dhe të mesme, infrastruktura, burimet natyrore etj. BERZH ka investuar në projekte të rëndësishme infrastrukturore, siç është modernizimi i aeroportit ndërkombëtar të Tiranës, terminali i pasagjerëve në Portin e Durrësit, por edhe në atë rrugore për zhvillimin e rrjetit të brendshëm të vendit.

HermesNews - ©2013

Dërgo me email | Stampo artikullin