07/01/2013 11:24:34

Përshpejtohen privatizimet greke

Trojka, privatizimet janë kusht për rimëkëmbjen e ekonomisë vendase

ATHINË - Pas disa vite vonesash plani i privatizimeve në Greqi, i konsideruar nga Trojka e ndërkombëtarëve (FMN-BE-BQE) si kusht i domosdoshëm për vazhdimin e progamit të ndihmave financiare për ripërtëritjen ekonomike të vendit, nga partnerët e huaj, duhet se është në rrugën e duhur.

Për shoqëritë ndër të parat në listën e privatizimit si Postal Bank, ku shteti grek zotëron 34,40 për qind të aksioneve, Posta Greke Elta, ku zotëron 9,90 për qind, Eurobank ku pronësi e shtetit janë 6,075 për qind e aksioneve po ashtu edhe Ethniki Trapeza, ku Athina zyrtare ka 6,070 për qind të aksioneve, ndërsa rreth 43 për qind e aksioneve është në pronësi të 70 mijë individëve të cilët kanë investuar kursimet e tyre, janë paraqitur tashmë ofertat nga katër banka, më saktë nga Ethniki Trapeza, Eurobank, Alpha Bank dhe Attica Bank.

Sipas një raporti të Bankës Qendrore të Greqisë, për rikapitalizimin e Postal Bank nevojiten 3,7 miliardë euro, ndërsa pjesa e mirë e aksioneve që do të blihet nga enti apo shoqëria e parë që paraqet një ofertë ka nevojë për një mbështetje financiare prej 500 milionë euro.

HermesNews - ©2013

Dërgo me email | Stampo artikullin