18/11/2014 12:29:50

Nuk na thanë se do prishin shtëpinë

Partia Demokratike denoncon rastin e prishjes së një vile dy katëshe. Ku janë dokumentat ?

TIRANE - Çiftit Kaziu iu prish shtëpia. Në foton më sipër shikohet çifti Kaziu që vendos të flasë hapur nëpërmjet një denoncimi publik të përcjellë nga PD për shëmbjen e vilës, siç thonë ata, me leje të rrugullt në Tiranë. Një prishje arbitrare e ka quajtur koordinatori i PDsë Ervin Saliani, që i takon ata, e bërë pa proçedurë, pa shkresë, pa lajmërim.

"Partia Demokratike denoncon prishjen e ndërtimeve në mënyrë selektive dhe në mungesë të një proçedure të rregullt ligjore, ku qytetarët e prekur nuk lajmërohen, e madje shtëpia u shembet me gjithë mobilje brenda pa i dhënë kohë familjarëve të kursejnë cfarë ka mbetur nga pasuria e tyre", shkruan selia blu në një komunikatë për mediat. Shtëpia me dy kate ishte prishur nga INUK gjatë operacionit për shëmbjen e ndërtimeve pa leje në Shqipëri. "Kjo shtëpi ka qënë kapitali im, i gruas dhe 3 djemve të mi. E kemi ndërtuar në 1998. Kishim katin e parë ndërsa të dytin se kishim mbaruar për arsye ekonomike. Kam qënë i burgosur politik, pa ekonomi. Tani përfundimisht të arrijmë tek kjo që ndodhi sot, ku erdhi policia me shumë policë të armatosur, me INUK-un dhe kërkojnë lejen e ndërtimit. Ua çova lejen e ndërtimit. Por më thanë se do shembet shtëpia. U kërkova të merremi vesh sepse duhej të thonin 5 ditë para. Qoftë edhe një ditë që tu jepja lejen origjinale të ndërtimit. Më thanë që nuk presim dhe menjëherë sulmuan. Nuk pritën edhe pse kishim mall brenda. Na u prish edhe malli brenda se nuk kishim kohë ti merrnim. Shtëpia u shkri sikur nuk ekzistonte por më e rënda është se kam shkuar dy herë tek INUK-u dhe u kam kërkuar vendimin për prishjen e shtëpisë. Më thonë që nuk është drejtoresha këtu, është urdhëri i Ministrit të Brendshëm. Me një fjalë akush nuk prononcohet edhe pse ma shembën shtëpinë. Nuk ma japin vendimin. Kërkojmë që ta dëmshpërblehet shtëpia ose të ndërtohet siç ishte", tha Kaziu.

Çifti nuk ka paraqitur për mediat asnjë dokument që vërteton lejen e shtëpisë.

HermesNews - ©2014

Dërgo me email | Stampo artikullin