13/11/2014 15:31:24

Zbulohet banda e drogës në burg

''Goditja'': arresohet gardiani i burgut të peqinit; hetime për një të burgosur. Kapen në flagrancë një polic dhe disa shtetas

ELBASAN - Trafik droge brenda në burg. Pesë arrestime ndër ta dhe gardiani. Ky ka qenë rezultati i një operaconi që u finalizua nga policia e elbasanit (foto). Të arrestuarit përveçse shpërndanin lëndën narkotike, kishin veprimtari të kundraligjshme dhe lidhje të brendshme me punonjësit e burgut të Peqinit. "Ka nisur proçedimi penal dhe për një te burgosur në burgun e Peqinit", tha drejtori Neritan Nallbani gjatë një konference për shtyp.

Gjatë këtij operacioni kanë rënë në pranga polici i burgut të Peqinit, Zenel Nezha, me banim në Librazhd, si dhe shtetasit Romeo Ardian dhe Ferit Serica, Juxhengs Kurani, banues në Elbasan dhe Altin Bektashi, banues në Korcë. Ata u kapën në flagrancë në qytetin e Elbasanit duke shpërndarë lëndë narkotike dhe se prej disa kohësh ishin në hetim nga ana e Seksionit Kundër Narkotikëve në Drejtorinë e Policisë Elbasan. Gjatë arrestimit të tyre në cilësinë e provës materiale iu sekuestrua lëndë narkotike e llojit heroinë dhe kanabis sativa.

Për momentin janë të paqarta lidhjet e Dorian Tatoshit, i dënuar në burgun e Peqinit, për veprën penale trafikim të lëndëve narkotike i cili dyshohet se ka lidhje në këtë trafik droge. Tre prej të arrestuarve me banim në Elbasan dhe me të njejtin mbiemër janë kushërinj të parë mes tyre. Për Dorian Tatoshin, ka filluar proçedemi penal, ndërkohë që të arrestuarve iu sekuestruan në cilësinë e provës materiale, 150 gram lëndë narkotike e llojit heroinë, 100 gram lëndë narkotike e dyshuar si si canabis sativa, 13 copë celularë nje mjeti tip Golf 4 me targa PE.0671 A në pronësi të policit Zenel Nezha. Akuzat qeërëndojnë mbi ta janë prodhim dhe shitje e lëndëve narkotike dhe shpërdorim detyre

HermesNews - ©2014

Dërgo me email | Stampo artikullin