10/11/2014 14:30:21

BE dhe ekonomia bashkon Shqipërine dhe Serbinë. 'Kosova' ende jashtë

Rama viziton Beogradin. Prespektivë e njëjtë rajonale. Të dy liderët ndajnë të njëjtat qëndrime mbi zhvillimin rajonal dhe agjendën europiane ekonomike në Ballkan. Njohja e kosovës ende larg. Vucic, do të vij në tiranë

BEOGRAD - Mund ta mendojmë ndryshe por mund të sillemi në formë institucionale dhe kordiale me njëri - tjetrin. Kjo ka qenë forma me të cilën u prit sot kryeministri Edi Rama në vizitën e tij të parë në Beograd. Me me shumë gjasa do të ketë dhe të tjera. Nuk është valevitur flamuri shqiptar ne ambjentet e aeroportit te beogradit, gjest që mund të jetë fare mirë përgjigja e valëvitjes së flamurit autokton në ndeshjen Shqipëri - Serbi. Kryeministri shqiptar u përkul me nderim para flamurit serb pak para se të merrte rrugën për në pallatin e kryeministrit ku pati nje takim rreth një orë kokë me kokë me homologun e tij. Në minutat e këtij takimi do të vijëzoheshin me shumë kujdes temat që sidomos do të diskutoheshin në konferencen për shtyp dhe pikat e forta ku do të bazohet bashkëpunimi Shqipëri - Serbi në të ardhmen.

Një prëj tyre është ndërtimi i një linje hekurudhore mes podgoricës, beogradit dhe shqipërisë. “Do të përpiqemi të gjejmë fonde europianë për këtë siguroi Aleksandar Vucic gjatë fjalës që mori në konferencën për shtyp. Një tjetër temë e këtij takimi ishte dhe forcimi i i urave të komunikimit dhe shkëmbimi i të rinjve në rang universitetesh mes vendeve fqinje. Në projekt dhe lehtësimi i kalimit të kufirit mes vendeve duke përdorur vetëm kartat e identitetit. Me pak fjalë Shqipëria dhe Serbia kanë vendosur të shohin para drejt agjendes europiane. Me këtë vizion dy kryeministrat dolën në konferencën e përbashket për shtyp, por gazetarët patën pyetje të tjera, çfarë me apo pa dëshirë bëri që të dy krerët të përballeshin me demonet e së kaluarës.

Ndeshja Shqipëri – Serbi

Është përpjekur të mbajë një standard që shkon sipër provokimeve kryeministri Vucic, kur tha se, "Është shumë e lehtë të ngrihen tensione ekstremiste. Unë mendoj se ne na duhen vendime demokratike". Interesi ekonomik i serbisë është në plan të parë, zhvillim që shkon zinxhir me atë të të gjitha vendeve rajonale. Shqipëria e para. Marëdhënia e mirë rajonale është dhe pjesë e “stabilitetit te rajonit per te ardhmen". Të njëjtën linjë ka zgjedhur dhe kryeministri Rama.Shqipëria nuk do të lejojë që historia, “të ndikojë negativisht në marëdhëniet mes nesh. Ne Ballkani kemi nevojë për europën e bashkuar”, tha Rama. Vizioni i BEsë ka bashkuar ndoshta për herë të parë të dyja vendet. “Paqja do të na japë kurajo. Ne shqipëtarët kemi këtë vizion dhe këtë kurajo. Shtrijmë dorën e sinqertë të bashkëpunimit. Fëmijët tanë nuk duhet të vuajnë për shkak të së kaluarës mes nesh”, kërkoi Rama. Të dyja vendet do të përpiqem të gjejnë financime dhe politika reformiste. “Ekonomia jonë e përbashkët nuk është e vogël për ambicjet e BEsë”, tha Rama.

Kosova, një realitet me dy qendrime. Serbia nuk është gati

Kryeministri Rama ka dhënë një mesazh dhe për njohjen e kosovës në Serbi, çfarë nuk është pritur mirë nga homologu, i cili e ka cilësuar këtë temë si një provokim që i bëhet serbisë brenda shtëpie. “Njohja e kosovës është çështje sigurie në Ballkan”, tha Rama, i cili më pas ka marrë një JO të prerë nga Vucic. “Kosova është pjesë e Serbisë,” tha Vucic duke lenë të kuptojë që sforcot e shqipërisë për të promovuar dialogun mes kosovës dhe serbisë nuk do të jenë të mjaftueshme dhe për një kohë të gjatë, megjithë prespektiven europiane të ballkanit. Serbia nuk lëshon pe. Megjithesë Kosova duket një endërr akoma e largët, Rama insiston në rritjen rajonale nëpërmjet sigurisë dhe provimit ekonomik. Ai përmendi shembullin e francës dhe gjermanisë në BE të cilat lanë mënjanë hasmëritë e dikurshme në emër të një të ardhme me prespektive të re ekonomike mes tyre. “Unë besoj se realiteti mbetet një i pandryshueshëm, pavarësisht përceptimeve dhe mosdakortësisë së plotë që kemi. Nga njëra anë kjo s'na pengon që t'ia themi në sy atë që mendojmë, sepse rruga e secilit prej nesh, është një korsi në rrugën e përbashkët të integrimit europian”, tha Rama duke ftuar homologun e vet në Tiranë dhe e siguruar që, “nuk do të ndjeheni të provokuar. Mikpritja jo vetëm do të jetë reciproke, por do të ndjeheni shumë mirë në Tiranë dhe asnjë fjalë e thënë e prej jush nuk do konsiderohet provokim, pavarësisht se mund të jetë terësisht e ndryshme nga çfarë prisnim”, tha Rama.

Droni dhe Olsi Rama. Kryeministrat largojnë vëmendjen nga incidenti

Në takimin e sotëm mes liderëve ka patur tema për të cilat nuk duhej të ishin folur. Droni ishte një prej tyre dhe akuzat që Serbia i bëri fillimisht vëllait të kryeministrit Olsi Rama në lidhje me organizimin e dronit. “S'kam pritur asnje provokim nga kryeministri rama. Nuk do të lejoj askujt të ulë serbinë në mes të shtëpisë. Më vjen keq që z. Rama ka shfrytëzuar këtë rast për të folur për tema që nuk duhet të flasim. Hetimet kanë treguar shumë gjëra. Unë kam menduar se nuk duhet të flasim për të kaluarën por për të ardhmen. Ai dron ka qenë shumë mirë i organizuar, kemi të dhëna që disa ditë më herët ka patur organizim për ngritjen e dronit dhe ne duhet ta dënojmë këtë akt”, tha Vucic. Rama qe dakord se politika e shteteve nuk duhej të zhvillohej nga një fushë futbolli. “Besoj se ajo çfarë ndodhi është një tregues i brishtësisë së jashtëzakonshme të një marëdhënieje të re qe ne kemi synimin ta vendosim. Unë si kryeministër kemi gjithë vullnetin e plotë për ta lehtësuar përmes një përpjekjeje të përbashkët dhe konkrete në mënyrë që femijët tanë të marrin përfitimin maksimal nga potenciali fantastik i një paqeje të arritur. Nuk jemi armiq, por kemi armiq të përbashkët. Janë varfëria, papunësia dhe mungesa e prespektivës për të rinjtë. Sfida jonë e përbashkët është që të bashkojmë forcat dhe të flasim me një gjuhë, siç kemi nevojë për europën, europa ka nevojë për ballkanin”, tërhoqi vëmendjen kryeministri.

A distancoheni nga thirrjet, vdekje shqiptarëve në Serbi ?, ishte një pyetje për kryeministri Vucic. “Unë e dëgjoj çdo ditë këtë, në çdo vend për serbët. Kjo është diçka që nuk e duam asnjë. Jemi këtu dhe u treguam që krahëhapur ndaj çdo gjeje” tha Vucic.

Vucic në Tiranë. Prespektiva e re mes vendeve

Kryeministri Rama ftoi homlogun e tij në Tiranë për një vizitë çfarë është pritur pozitivisht. Vizita e kryministrit shqiptar në Beograd kthen për herë të parë në histori një faqe të re prespektive europiane e cila vendos ballkanin pas shumë kohës ne agjenden e financimeve të mëdha europiane. Kjo ka bërë që të dy kryeministrat të jenë në të njëjtën linjë mendimi për të ardhmen e të dyja vendeve. Një e ardhme që nuk do të jetë e lehtë për t’u ndërtuar, pas një historie të gjatë konfliktesh dhe masakrash, por më siguri pa hapin e parë dhe pa një vullnet politik nuk do të mund të behëj dot kurrë asgja. Kryeministri Vucic do të vizitojë tiranën, në një kohë të përshtatshmë për të. Vizitë që do të bëhet me siguri pas vendosjes së linjave të bashkëpunimit mes dy qeverive dhe sidomos dialogut. Shpresojmë që për ketë nuk do të duhet të kalojnë 68 vite të tjera. Vucic siguroi që s'ka për të ndodhur.

Doriana Metollari

Dërgo me email | Stampo artikullin