06/11/2014 15:33:56

Falen kamatëvonesat për pensionet në fshat

Rritet mosha e daljes në pension për gratë nga 1 Janari i vitit 2015

TIRANE - Të gjithë ata që janë të vetëpunësuar në fshat sigurimet mund t'i paguajnë deri me datë 31 Dhjetor, pa gjoba. Lajmi u dha nga Ministri i mirëqënies sociale Erion Veliaj, pas miratimit që Qevera i bëri dje projektligjit për faljen e kamatvonesave dhe gjobave për kontributet e detyrueshme të sigurimeve shoqërore të papaguara për personat e punësuar në bujqësi. Kjo do të thotë se do të falen të gjitha kamatvonesat dhe gjobat për kontributet e paderdhuara gjatë viteve. Nga kjo përfitojnë 290 mijë të vetëpunësuar në bujqësi. "Nga viti 1994 e deri në vitin 2001, për të siguruar një vit për efekt pensioni në fshat, pagesa ka qenë vetëm 15 dollarë. Kjo do të thotë që për të paguar sigurimet shoqërore të viteve 1994 - 2001 në total duhet paguar 120 dollarë për të siguruar 8 vite pension", tha Veliaj. Një mundësi e mirë për emigrantët që kanë detyrime të papaguara. Ndërkohë nga 1 Janari i vitit 2015 hyn në fuqi skema e re e pensioneve e cila rrit me dy muaj moshën e daljes në pension për gratë.

HermesNews - ©2014

Dërgo me email | Stampo artikullin