06/11/2014 11:55:02

Gentian Sala në krye të AMAs

Kuvendi vendos në krye të Autoritetit të Medias Audiovizive Gentian Salan

( 13:43) Kuvendi miratoi sot me 79 vota pro dhe 1 votë kundër, zgjedhjen e Gentian Salës, me profesionin jurist në krye të Autoritetit të Medias Audiovizive(AMA). Ai zëvendësoi në këtë detyrë Endira Bushatin.

Përmes votimit të fshehtë me elektronikë deputetët e maxhorancës votuan katër kandidaturat e përzgjedhura nga komisioni i Medias, ku kandidati Sala mori më shumë vota.
TIRANË - Kuvendi nisi punimet e seancës plenare të radhës ku pritet të diskutohen disa projektligje. Në fillim të seancës, me propozim të kryetarit të grupit të PS-së, Gramoz Ruçi, Kuvendi vendosi të përfshijë në rend dite miratimin e pr/vendimit për zgjedhjen e kryetarit të Autoritetit të Medias Audiovizive (AMA), i cili u shty një javë më parë nga mazhoranca. Gjithashtu, Ruçi propozoi përfshirjen në seancën e sotme edhe të disa ndryshimeve në rregulloren e Kuvendit, të kërkuara nga deputetët e opozitës. Pikë e rëndësishme e rendit të ditës së seancës së sotme është projektligji “Për pensionet e punonjësve që kanë punuar në miniera, në nëntokë”, i cili parashikon uljen e moshës së daljes në pension për këtë kategori punonjësish, duke përcaktuar moshën 55 nga 60 vjeç që është aktualisht.

HermesNews - ©2014

Dërgo me email | Stampo artikullin