04/11/2014 11:31:59

Kosova i shet Shqipërisë miell të dëmshëm për shëndetin

Mielli që futet nga vende të tjera në Kosovë, e blen Shqipëria. I dëmshëm për shëndetin e konsumatorëve. Balla, të ndalohet importi ! Panariti do të ngremë Bordin kombëtar të ushqimit

TIRANË - Së shpejti, dhe pse nuk dihet kur me saktësi, do të krijohet një platformë kombëtare për ushqimin. Gjatë raportimit të tij në Parlament, Ministri i bujqësisë dhe ushqimit Edmond Panariti tha se do të ngrihet një platformë për kontrollin e ushqimit që hanë shqiptarët. Ata që do të kontrollojnë sigurinë e ushqimeve që hanë shqiptarët do të jetë Bordi kombëtar i ushqimit. Në projektet e ministrisë dhe krijimi i laboratorëve dhe pajisjeve të reja të ushqimeve. Laboratorët do të kenë metoda të thjeshta për të kontrolluar standartin e ushqimeve që vijnë në Shqipëri dhe që prodhohen në vend për konsumatorët. "Për sigurinë ushqimore është e nevojshme një platformë kombëtarë për ushqimin", tha dje në Parlament ministri. Nënkryetari i Komisionit të integrimit Taulant Balla kërkoi me tepër kontrolle nëpër pikat doganore. Sipas Ballës mielli i rrezikshëm për shëndetin e njerëzve futet nga një vend tjetër në Kosovë dhe pastaj nga Kosova në Shqipëri nën markën "Made in Kosove". Një gjest i dënueshëm dhe i papanueshëm nga ligji. A mund të jetë ky hapi i parë për një patriotizëm më të shëndoshë me Kosovën ?

HermesNews - ©2014

Dërgo me email | Stampo artikullin