03/11/2014 15:17:28

Sa përdorues në Shqipëri ?

Aktualisht numri i përdorues/abuzuesve në vendin tonë ka kapur shifrat rreth 50-60 mijë

TIRANË - Ndërsa në botë raportohen çdo vit rreth 210 milion përdorues droge, ky fenomen është mëse i dukshëm edhe në vendin tonë. Aktualisht numri i përdorues/abuzuesve në vendin tonë ka kapur shifrat rreth 50-60 mijë. Kjo shifër u bë sot publike nga ministri i Shëndetësisë, Ilir Beqaj në ceremoninë e hapjes së takimit dyditor (3-4 nëntor 2014) Ndërkombëtar Multi-Përfitues të Punës së TAIEX-it (Technical Assistance and Information Exchange) për Teknikat e Parandalimi të Drogës dhe Ndërhyrjeve të Trajtimit me bazë Internetin.Ilir Beqaj Qëllimi i këtij takimi është diskutimi i praktikave më të mira dhe zhvillimet e reja në teknologjinë e Internetit për parandalimin dhe teknikat e trajtimit të problemeve të drogës në Shtetet Anëtare të BE-së me përfituesit e Programit IPA, për t’i sjellë këto të fundit më pranë në përputhje me politikën anti-drogë të BE-së. Beqaj tha se substancat psikoaktive që përdoren më masivisht janë prodhimet e kanabis (rreth 65 %); përdoruesit e opiateve, kryesisht heroinë, janë 20-25% (një pjesë e konsiderushme e të cilave administrohet intravenoz duke përbërë një kërcënim potencial për sëmundje të trasmetueshme); rreth 10% janë përdorues të kokainës, etj.

HermesNews - ©2014

Dërgo me email | Stampo artikullin