01/11/2014 14:13:41

Të hënën zgjidhen anetarët e RTSHsë

RTSH-së, enti kryesor publik mediatik në vend, prej 3 vjetësh po funksionon me një këshill të vjetër drejtues

TIRANË - Komisioni Parlamentar i Medias pritet të nisë të hënën procedurat për zgjedhjen e anëtarëve të Këshillit Drejtues të Radiotelevizionit Shqiptar. Pas zgjedhjes së dy anëtarëve të rinj të Autoritetit të Medias Audiovizive javen e kaluar nga Kuvendi, në seancën e ardhshme pritet dhe zgjedhja e kreut të këtij institucioni, tashmë pritet çelja e procedurave për zgjedhjen e anëtarëve të rinj të bordit drejtues të RTSH-së. RTSH-së, enti kryesor publik mediatik në vend, prej 3 vjetësh po funksionon me një këshill të vjetër drejtues, të cilit i ka përfunduar mandati. Anëtari i njëmbëdhjetë, njëkohësisht kryetar i KD-së, zgjidhet jo më vonë se 10 ditë pasi të ketë përfunduar procedura e zgjedhjes së anëtarëve të Këshillit. Në këte post drejtues zgjidhet kandidati që merr më shumë se gjysmën e votave të deputetëve të Kuvendit. Drejtori i Përgjithshëm i RTSH-së zgjidhet me votim të fshehtë nga KD për një periudhë 5-vjeçare ndërmjet jo më pak se 2 kandidaturave. Përzgjedhja e kandidaturave bëhet nga Këshilli.

HermesNews - ©2014

Dërgo me email | Stampo artikullin