25/10/2014 18:28:47

Harta e re e qarkullimit rrugor në Tiranë

Urdhëri i përbashkët i tre Ministrave i lë sinjalistikën e rrugëve bashkisë së tiranës, heq oraret për makinat dhe rezervon hapësira të reja për parking

TIRANE - Gati rregullat e reja të qarkullimit rrugor në Tiranë. Drejtoria e policisë së qarkut tiranë ka bërë publike sot hartën e re të qarkullimit me kushtet e kalimit të veturave dhe makinave të transportit, e firmosur nga tre ministra ai i punëve të brendshme, transport infrastrukturë dhe ministria e kulturës.

Ndalohet dhe kufizohet qarkullimi i automjeteve të të gjitha kategorive dhe parkimi i automjeteve në zonat e sheshit Nënë Tereza dhe Bulevardit Dëshmorët e Kombit, pjesë e Ansamblit Monument Kulture të qendrës historike së Tiranës.

Ndalohet qarkullimi i të gjitha kategorive të mjeteve të transportit në zonën përrreth sheshit “Nënë Tereza” nga ora 19:00 deri në orën 24:00.

Ndalohet pushimi dhë qëndrimi i të gjitha kategorive të mjeteve të transportit rrugor në zonën përrreth sheshit Nënë Tereza, me përjashtim të mjeteve të transportit publik të linjave urbane.

Ndalohet pushimi dhe qëndrimi i i të gjitha kategporive të mjeteve të transportit rrugor duke filluar nga sheshi Nënë Tereza, përgjatë Bulevardit “Dëshmorët e Kombit”, deri te ura e madhe Lanës, në kryqëzimin me Bulevardin Bajram Curri, me përjashtim të mjeteve të transportit publik të linjave urbane.

Urdhëri i përbashkët i tre Ministrave ngarkon Bashkinë e Tiranës të pajisë me sinjalistikë rrugore të nevojshme dhe të bëjë ndërhyrjet e nevojshme në sistemin semaforik për të përshtatur sinjalistikën ekzistuese sipas ndryshimeve të bëra.

Policia e Tiranës...ka marrë...masat që deri në vendosjen e sinjalistikës së duhur nga ana e Bashkisë së Tiranës, zbatimi i Vendimit të Këshillit të Ministrave dhe Urdhërit të përbashkët të tre ministrave të realizohet dhe kontrollohet nga punonjësit e Komisariatit të Policisë Rrugore dhe shërbimeve të tjera të policisë së kryeqytetit.

Drejtoria e Policisë së Tiranës fton të gjithë qytetarët që të bëhen pjesë e zbatimit dhe respektimit të këtyre rregullave të reja të qarkullimit rrugor, që synojnë ta kthejnë aksin kryesor dhe qendrën historike të qytetit të Tiranës në një zonë pedonale në shërbim të banorëve dhe familjeve të kryeqytetit.

komunikatë për shtyp

Dërgo me email | Stampo artikullin