25/10/2014 17:14:39

Marëveshje për standartin e miellit

Nivelet e reja të përdorimit të miellit. Mielli me përqindje nga 9 - 11.5 % do të përdoret për ëmbëlsira, makarona dhe piza. Niveli maksimal i proteinave është 12 %

TIRANE - Përfundon hartimi i draftit për standartet e përdorimit të miellit nga Ministria e Bujqësisë. Ministri Panariti dhe Unioni i prodhuesve te miellit rane dakord sot per te mbajtur ne nivelin 9% proteinat e miellit. Më parë ky nivel ishte 12,5%. Në draft është përcaktuar që mielli me përqindje nga 9 - 11.5 % të përdoret për ëmbëlsira, makarona dhe piza, ndërsa niveli maksimal i proteinave është përcaktuar në masën 12 për qind, i cili është kusht që të përdoret për prodhimin e bukës masive që konsumojnë qytetarët shqiptarë. Hartimi i këtij drafti erdhi pas urdhrit të nxjerrë nga Ministria për uljen e normës së proteinave në miell. Në draftin që pritet të hyjë në fuqi së shpejti janë përcaktuar edhe standardet e përbërësve të tjerë të miellit. Në një konferencë për shtyp dy ditë më parë, ministri Panariti, sqaroi se masat që po ndërmerr ministria që ai drejton, synojnë rritjen e standardit për cilësinë e miellit.

HermesNews - ©2014

Dërgo me email | Stampo artikullin