24/10/2014 14:25:48

Java e Antitrafikut ndal në Shkodër

Bashkëpunim dhe koordinim i të gjithë faktorëve për të parandaluar trafikimin

SHKODER - Java e antitrafikut është ndalur në veri në shkollën nëntë vjeçare "Iliria" (foto). Aktiviteti u organizua nga Drejtoria e Policisë Shkodër dhe mori pjesë nëndrejtori i policisë Avni Canameti, drejtues institucionesh, përfaqësues të prefekturës, stafi pegadogjik, nxënës shkollash etj. Gjatë këtij takimi u evidentua rëndësia e bashkëpunimit të të gjithë aktorëve të shoqërisë për të parandaluar dhe goditur këtë fenomen. Krahas informimit të nxënësve dhe stafit pedagogjik mbi trafikun e qenieve njerëzore, me synim që të rinjtë të mos bien pre e tij, biseda u përqëndrua dhe në kontributin që duhet të japin të gjithë për ta luftuar atë. Në këtë takim u diskutua me drejtuesit e tjerë të institucioneve mbi rëndësinë e koordinimit dhe bashkëveprimit në këtë fushë për ta bërë edhe më efikase luftën ndaj trafikimit.

HermesNews - ©2014

Dërgo me email | Stampo artikullin