24/10/2014 10:55:57

Basha kërkon garanicitë e ndërkombëtarëve për vendimet e gjykatave (?!)

Komisionet parlamentare janë nul nëse nuk garanojnë të huajt, i tha Juncker, kreu i opozitës Lulzim Basha. A mund të japin garanci institucionale në Shqipëri të huajt ?

TIRANE - Kreu i Partisë Demokrate Lulzim Basha ka kërkuar arritjen e një pakti me mazhorancën nën garantimin e faktorëve ndërkombëtare. "U njoftua nxjerrja nga sirtarët dhe vënia në dispozicion të opozitës e dy kërkesave të vjetra të opozitës për ngritjen e dy komisioneve hetimore", tha Basha në një takim me kreun e komisionit europian Jean Claude Juncker. Këto miratime nuk do të mjaftojnë për kthimin e opozitës në Palament, siguron Basha: që kjo të ndodhë do të duhet një pakt nën garancinë e ndërkombëtarëve. "Cfarë garancish ka se nuk do t'i shkelin prapë, siç kanë bërë kur kanë grisur konsensusin për ligjin e nëpunësit civil dhe vendimin e Gjykatës Kushtetuese për këtë çështje", pyet Basha. Opozita ka zgjedhur rrugën më pak të përshtatshme për të bërë opozitë duke kërkuar mbrojtje nga ndërkombëtarët, të cilët nuk munden kurrsesi të garantojnë zbatmin e vendimit të gjykatave. A e di opozita këtë ?

Doriana Metollari

Dërgo me email | Stampo artikullin