23/10/2014 16:09:23

Bushati përgatit vizitën për Ramën në Beograd

Shqipëria dënon incidentet e dhunën në Beograd. Bushati fton Serbinë të ndjekë rrugën e integrimit europian

TIRANË - Ministri i Punëve të Jashtme, Ditmir Bushati dhe Ministri i Zhvillimit Ekonomik, Tregtisë dhe Sipërmarrjes, Arben Ahmetaj, morën pjesë sot në takimin e ministrave të vendeve të Ballkanit që po mbahet në Beograd. "Kjo vizite nuk duhet t’ju shqetësojë, është një praktike normale në të gjitha vendet europiane", është shprehur ministri Bushati. Ministri Bushati ka theksuar se, "Shqipëria është anëtare e NATO-s dhe kandidate në BE (ashtu si Serbia) dhe ne e nxisim Serbinë që të rishikojë kursin e saj në raport më Perëndimin”. Mbi ndeshjen Serbi - Shqipëri, Bushati është shprehur se, Shqipëria e kishte të qartë dhe kishte dënuar të gjitha incidentet, dhunën dhe provokimet që kanë krijuar një klimë jo të favorshme midis dy vendeve. Kosova pa dyshim është prekur në biseda. Kosova është një realitet rajonal, europian dhe ndërkombëtar. Kosova është një çështje që na ndan me Serbinë, por jo vetëm, ajo ndan dhe Serbinë me Perëndimin, kujton Bushati. Vizita e ministrit të Jashtëm Ditmir Bushati dhe ministrit të Ekonomisë, Arben Ahmetaj, i paraprin vizitës së kryeministrit Edi Rama. Serbia është angazhuar të ndjek rrugën europiane dhe pavarësisht incidenteve në stadiumin “Partizani” në Beograd. Në takimin e ministrave të vendeve të Ballkanit që po mbahet në Beograd marrin pjesë dhe dy ministra nga Kosova, ministri i Zhvillimit Ekonomik, Fadil Ismajli dhe ai i Punëve të Jashtme, Enver Hoxhaj, pavarësisht se Serbia nuk njeh pavarësinë.

HermesNews - ©2014

Dërgo me email | Stampo artikullin