23/10/2014 13:22:18

Rritet punësimi në Spanjë

Statistikat e fundit tregojnë për një ulje të numrit të të papunëve me 195 200 persona

MADRID - Papunësia ka regjistruar rënie në tremujorin e tretë duke arritur në 23,67 duke kaluar nën nivelin 24 për qind për herë të parë që prej fundit të vitit 2011, njoftoi sot Instituti Kombëtar i Statistikave (INE). Numri i të papunëve është ulur me 195 200 persona për periudhën korrik-shtator, që korrespondon me pikun e sezonit turistik në vend, theksoi Ine në një komunikatë. Kjo përbën rënien më të madhe të papunësisë të regjistruar më parë në një tremujor, sipas institutit, edhe pse niveli mbetet ende i lartë. Rreth 5 427 700 persona janë ende në kërkim të një pune. Përqindja e papunësisë vazhdon gjithashtu rënien progresive të nisur në tremujorin e dytë, ku ishte 24,47 për qind, pasi kishte arritur në 26,94 për qind në tremujorin e parë 2013. Qeveria konservatore e Mariano Rajoy shpreson që kjo tendencë do të vazhdojë.

HermesNews - ©2014

Dërgo me email | Stampo artikullin