22/10/2014 18:29:03

ARBEN RISTANI U AKUZUA PËR MASHTRIM

Reagon Ministria e brendshme. Zëdhënësi Florion Serjani deklaratë për shtyp pas akuzave të deputetit Arben Ristani për fshehjen e kreut të organizatës kriminale gjatë operacionit ''Viluni'' brenda makinës së një deputeti të mazhorancës

TIRANE - Policia e Shtetit ka treguar e do vazhdojë të tregojë se nuk ka më të paprekshëm dhe as të privilegjuar. Nuk ka më të fortë që mund t’i bëjnë bisht ligjit, as me pushtet dhe as me para, as me mandat deputeti, qoftë djathtas e qoftë majtas dhe as me imunitet familjar të cilitdo lloji e kategorie. Askush qe shkel ligjin, nuk gëzon dot trajtim të ndryshëm nga çdo shkelës ligji.

Nga ana tjeter, Policia e Shtetit nuk është redaksi gazete dhe as tribunë partie që të japë lajme për operacione në zhvilim dhe hetime që janë ende në vazhdim.

Sigurisht që kur në emër të opozitës, akuzon për krime të imagjinuara apo të prezumuara deputetët e shumicës, një deputet që ka bërë burg për mashtrim, kjo e ul shumë besueshmërinë e akuzave.

Por sidoqoftë, ne si shumicë kemi treguar se çdo emër e verifikojmë dhe marrim vendimin e duhur, në mbrojtje të të akuzuarit kot ose në ndjekje të të akuzuarit plot. Lexo deklaratën e Ristanit

komunikatë për shtyp

Dërgo me email | Stampo artikullin