16/10/2014 12:16:25

PD, le te na hetojnë për kredinë

Kredia e marrë në vitin 2009 është vlerësuar në atë kohë nga FMN si arritje e qeverisë shqiptare

TIRANË - Partia Demokratike ka dënuar sot sulmet politike ndaj opozitës ndërmarrë së fundmi nga maxhoranca në lidhje me kredinë e marrë në 2009. Nepermjet nje deklarate, zëdhënësja Oriela Nebiaj, tha se “kredia e marrë në 2009 u vlerësua nga FMN si arritje e qeverisë dhe shpëtoi financat nga kolapsi”. Zëdhënësja sqaroi se “kredia e marrë në vitin 2009 është vlerësuar në atë kohë nga FMN si arritje e qeverisë shqiptare. Kredia parandaloi rënien e financave të vendit në kolaps dhe me përmirësimin e kushteve në tregjet financiare botërore, kjo kredi u zëvendësua me një kredi shumë më të lirë pa u mbushur viti”. “Partia Demokratike është e hapur për çdo hetim dhe fton organet kompetente të bëjnë transparencë deri në fund”, u shpreh Nebiaj.

HermesNews - ©2014

Dërgo me email | Stampo artikullin