15/10/2014 16:04:37

Denoncime për lidhje të paligjshme

Njësia Tirana 2 denoncoi në organet e prokurorisë punonjësin e kompanisë, faturistin Amarild Varfi për korrupsion dhe shpërdorim detyre

TIRANE - Operatori i Shpërndarjes së Energjisë Elektrike (OSHEE) paditi sot një faturues abuzues në Tiranë dhe denoncoi pronarin e një kompanie ndërtimi në Vlorë, pasi kishte bërë lidhje të paligjshme të energjisë në një pallat pa lidhur kontrtratë. OSHEE tha se nuk do të tolerojë askënd që shkel ligjin dhe abuzon me detyrën në dëm të interesave të qytetarëve. OSHEE njoftoi se Njësia Tirana 2 denoncoi në organet e prokurorisë punonjësin e kompanisë, faturistin Amarild Varfi për korrupsion dhe shpërdorim detyre. Ky person u pezullua nga detyra e lexuesit (faturist) menjëherë dhe në bashkëpunim me organet e rendit, sot u arrestua nga policia. Një qytetar në Tiranë u ankua pranë OSHEE-së se faturisti Amarild Varfi i kërkonte rryshfet dhe dorëzoi një video, që faktonte shpërdorimin e detyrës. Drejtuesit e OSHEEsë reaguan duke kryer pezullimin e tij nga detyra dhe padinë në prokurori.

HermesNews - ©2014

Dërgo me email | Stampo artikullin