15/10/2014 11:21:00

Cana, ''me shumicën e anëtarëve të ekipit serb marrëdhëniet të mira''

Ministri Tahiri i kërkoi homologut serb të garantojë sigurinë e lojtarëve dhe shtetasve shqiptarë në Beograd. Cana, ''Me Ivanoviç dhe me shumicën e anëtarëve të ekipit serb marrëdhëniet janë të mira, ata ishin të trishtuar, po aq sa edhe ne për atë që ndodhi''

TIRANË - Lojtarët e kombetares sonë janë pritur si heronj në aeroportin "Nënë Tereza", në Tiranë. Rreth 5000 tifozë shqiptarë dhe kosovarë janë mbledhur duke kënduar këngë patriotike në sallën V.I.P ku erdhën lojtarët të cilët u pritën nga zv. Kryeministri Niko Peleshi. Me zemër në aeroport shkruante Kryeministri Rama në një postin në Facebook. Para se të largoheshin, kombëtarja falenderoi tifozat për pritjen. Kapiteni i Kombëtares Lorik Cana tha se, "Në 40 minuta lojë në fushën e stadiumit të beogradit Kombëtarja ka luajtur me kokën lart. Kemi qenë me kokë lart dhe kemi bërë një punë të mirë për 40 minuta", tha Cana. "U gjetëm të rrethuar jo vetëm nga tifozët por dhe nga forcat e sigurisë së stadiumit dhe vendosëm të futeshim në dhomën e zhveshjes. Në momentin kur i pamë të lënduar fizikisht por dhe moralisht kërkuam ndërprerjen e lojës. Jemi munduar ta mbajmë kokën lart në mënyrë sa më të denjë. Ne u mbrojtëm", vijoi ai. Marrëdhëniet mes dy federatave kanë qenë shumë të mira, garantojnë sportistët. "Me Ivanoviç dhe me shumicën e anëtarëve të ekipit serb marrëdhëniet janë të mira, ata ishin të trishtuar, po aq sa edhe ne për atë që ndodhi", tha Cana.

HermesNews - ©2014

Dërgo me email | Stampo artikullin