14/10/2014 14:07:19

Zbulohet banda në Shkodër. Maksi operacion me belgët në veri

Sende me vlerë shiteshin nga Belgjika. Pesëmbëdhjetë të arrestuar në Shkodër. Sekuestrohen €150 mijë para kesh

SHKODËR - Një bandë grabitësish është arrestuar sot nga forcat speciale Renea gjate një operacioni në veri. Operacioni u zhvillua në lagjen Dudas në Shkodër paraditen e sotme. Operacioni u zhvillua në bashkëpunim me autoritetet belge te cilat hetonin për një seri ngjarjesh të ndodhur në Belgjikë. 15 persona të akuzuar për grabitje me dhunë janë vënë në pranga nga policia Belge në kuadër të një operacioni Shqipëri-Belgjikë. 13 prej tyre janë shqiptarë dhe dy të huaj. Hetimet vijojnë që prej dy vitesh. Ato vidhnin banesa në Belgjikë dhe sendet i shisnin në Shqiperi. Personat e arrestuar janë pa punë dhe posedojnë pasuri të shumta. Hajdutët i transferonin paratë nga Belgjika nëpërmjet agjencive të specializuara në gjendje kesh pranë familjarëve, ndërsa sendet e vjedhura i trafikonin në Shqipëri dhe Belgjikë. Policia sot sekuestroi, rreth 150 mijë euro në gjendje kesh, katër armë automatike, dy pistoleta dhe një pushkë, 50 orë të shtrenjta edhe bizhuteri floriri, unaza me diamantë, tre automjete luksoze dhe dy motorë. Të arrestuar janë: 1. Besmir Allushi 2. Gentian Sylaj 3. Denis Sylaj 4. Erald Agajçi 5. Leonard Velaj 6. Zamirjan Meti 7. Elis Rroshkodoli 8. Gentiana Burgaj 9. Elis Sylaj 10. Siditian Sylaj 11. Avenir Hasanaj 12. Përparim Isufaj 13. Gledis Agolli 14. Qatip Amal 15. Torosian Edgard.

HermesNews - ©2014

Dërgo me email | Stampo artikullin