07/10/2014 14:43:34

Mogherini në seancë degjimore për politikat e zgjerimit

Prioritetet e BEsë, Bosnjë - Hercegovina, dialogu Kosovë - Serbi dhe shansi i shqipërisë

TIRANË - Shefja e re e diplomacisë së Bashkimit Europian për politikë të jashtme dhe siguri në BE, Federica Mogherini në tre orë debat ju është përgjigjur pyetjeve të eurodeputetëve në seancën dëgjimore të Parlamentit Europian në Bruksel, mbi politikat e zgjerimit. "Duke filluar nga Ballkani, e deri te Turqia, besoj se politika e zgjerimit është më e mira, nëse jo edhe e vetmja garanci për transformim afatgjatë në kuptimin e demokracisë, stabilitetit dhe zhvillimit Demokratik", theksoi Mogherini. "Ne po rrezikojmë t`i ndajmë problemet, në rast se nuk punojmë për integrimin e këtyre vendeve. Prioritet numër një është Bosnjë - Hercegovina, që pas zgjedhjeve të sigurohet rritje ekonomike dhe të implementohet një proces për të nxjerrë këtë vend nga kriza. Negociatat midis Serbisë dhe Kosovës po zhvillohen pozitivisht në planin teknik, por duhet edhe në planin politik. Shqipëria ka shans unikal për reforma, ndërsa Mali i Zi është në krye të listës në raport me përparimin për në BE. Në raport me Maqedoninë dhe kontestin e emrit, besoj se duhet të gjendet vullnet politik për zgjidhje", theksoi shefja e re për politikë të Jashtme dhe Siguri në BE .

HermesNews - ©2014

Dërgo me email | Stampo artikullin