06/10/2014 10:00:47

Shqiptari në Florida vret gruan, më pas veten

Një ndarje që nuk është pranuar kurrë nga bashkëshorti shqiptar, çon në një tragjedi familjare

NORTH PORT FLORIDA - Policia po heton një incident që ka përfunduar me të shtëna armësh zjarri në një shtëpi në North Port - Florida që la dy të vdekur në atë që ata janë duke e quajtur një "shqetësim" familjar. Incidenti ka ndodhur rreth orës 09:00 të mërkurën në mëngjes në bllokun e e pallateve 2400 - Florida Terrace. Policia ka konfirmuar se të shtëna janë qëlluar nga brenda në shtëpi, dhe besojnë se incidenti ishte një vrasje me dashje dhe një vetëvrasje. Fqinjët thanë se panë zyrtarë të policisë duke hequr nga shtëpia, dy trupa por policia nuk do të konfirmojë lëndime apo vdekje. Gazetat lokale North Port Sun shkruan se me sa duket, xhelozia ka qenë arsyeja që 53 vjeçari shqiptar ka vrarë ish bashkëshorten dhe më pas ka vendosur t’i japë fund edhe jetës së tij.Sipas të dhënave të para, çifti ishte ndarë prej kohësh dhe jetonin në ambiente jo të përbashkëta. Dyshohet se shqiptari nuk e ka pranuar dot kurrë ndarjen mes tyre dhe pasi ka debatuar me 43 vjeçaren në banesën e saj rreth orës 9 të mëngjesit të ditës së mërkurë, e ka vrarë dhe më pas ka drejtuar armën nga vetja.

Beqir Sina

Dërgo me email | Stampo artikullin