03/10/2014 13:02:14

Më shumë vëmendje nga mazhoranca

Partia demokratike kërkon që të përfshihet në vendimet e parlamentit

TIRANE - Asambleja Parlamentare e Këshillit të Europës miratoi më 2 Tetor rezolutën për Shqipërinë, duke kërkuar që të respektohet roli kushtetues ‎i opozitës në Parlament dhe që mazhoranca të mos përdorë shumicën e saj të cilësuar të votave për të anashkaluar opozitën. Demokratët kërkojnë më tepër vëmendje nga mazhoranca. Në një deklaratë PD tha se, "reformat e rëndësishme si ajo e gjyqësorit, e pushtetit vendor, reforma zgjedhore, ajo e medias dhe ligje të tjera me rëndësi, të kryhen me konsensusin e opozitës", një akt i dëshiruar ky dhe nga Asambleja e KiEsë. Selia blu pretendon se reforma territoriale u fokusua vetëm në ndarjen territoriale dhe jo në aspektin e funksionimit të pushtetit vendor, KiE e quan "reformë të debatueshme", shkruan selia blu.

komunikatë për shtyp

Dërgo me email | Stampo artikullin