01/10/2014 09:16:23

Basha flet me kreun e PPEsë. Të shqetësuar për krizën parlamentare

Demokratët mendojnë se qeveria ka braktisur axhendën europiane, ka provokuar një krizë parlamentare

BRUKSEL - Kreu i demokratëve Lulzim Basha bisedoi dje me kryetarin e ri të grupit parlamentar më të madh të Parlamentit Europian të PPE, Weber, "rreth gjendjes së Shqipërisë. Shqetësimet që ndava me të janë të njohura për PPE, për Parlamentin Europian, madje edhe për europarlamentarët e majtë. Janë shqetësime që kanë të bëjnë me regresin që Shqipëria po bën në fushën e demokracisë, shtetit ligjor, të drejtave të njeriut. Është një kurs krejtësisht i kundërt me atë që priste BE, pas marrjes së statusit kandidat", tha Basha në fund të këtij takimi. Demokratët mendojnë se qeveria ka braktisur axhendën europiane, ka provokuar një krizë parlamentare. Ata nuk bien dakord me komisionet hetimore parlamentare dhe denoncojnë dhunën e fjalës së lirë.

HermesNews - ©2014

Dërgo me email | Stampo artikullin