25/09/2014 08:24:58

Politika ka ndryshuar

Raunig, Kodi i është dorëzuar të gjithë grupeve parlamentare dhe jemi në fazën ku po presim sugjerimet e partive që mund të ecim më tutje me kodin e sjelljes

TIRANE - Politika ka filluar te jape sinjale pozitive, tha kryediplomati Rauning ne programin televiziv te Artur Nures. Apeli i ambasadorit të OSBE-së ndaj opozitës shqiptare, vjen në kushtet kur tashmë demokratët kanë nisur punën e komisioneve paralele parlamentare të ngritura në selinë e PD-së. "Kodi ishte përgatirur në bashkëpunim të administratës së Kuvendit të OSBE-së në Tiranë dhe të ODIHR në Varshav, ka filluar në 2012. Kodi i është dorëzuar të gjithë grupeve parlamentare dhe jemi në fazën ku po presim sugjerimet e partive që mund të ecim më tutje me kodin e sjelljes. Unë e shikoj më shumë në drejtimin që cdo parlamentar është llogaridhënës për votuesit, për popullin, gjithashtu për transparencën kur deklaron asetet që ka dhe disa nene të kodit që po përmirësojnë cilësinë e debateve dhe cilësinë në përgjithësi të punës së parlamentit", theksoi kryetari i prezencës së OSBE-së në Tiranë. Në fokus dhe ligji për Nëpunësin Civil. “Në Shqipëri me çdo ndërrim qeverie ndërrohet edhe një pjesë e administratës, ka ndodhur edhe këtë herë. Këto mund të justifikohen me mungesë kompetencash. Në largimet nga puna ka nevoja realiste, por duket që ndryshimet në administratë në disa raste kanë tejkaluar një limit. Prandaj është e rëndësihmë të zbatohet ligji i ri dhe të respektohen vendimet e Gjykatës me rastet e njerëzve që janë larguar nga vendet e punës”, tha ambasadori i OSBE në vendin tonë.

HermesNews - ©2014

Dërgo me email | Stampo artikullin