24/09/2014 18:45:04

Rama në Durrës për legalizimet: 1000 familje marrin lejet

Epoka e legalizmeve abuzive ka përfunduar

TIRANË - Kryeministri Edi Rama ishte sot në qytetin e Durrësit ku ka shpërndarë 1000 leje të legalizimeve. “Ne sot legalizojmë dhe kthejmë në pronë mundin e 1000 familjeve”, është shprehur Kryeministri Rama duke theksuar se, procesi është ende i hapur. “Vijmë në vazhdimin e një procesi te hapur. Nuk e lamë kur të vijë fushata”, iu drejtua Kryeministri Rama banorëve, teksa theksoi se, “legalizimet vazhdojnë në mënyrë intensive”. Kryeministri Rama u shpreh se epoka e legalizmeve abuzive ka përfunduar. Rama nuk kurseu kritikat karshi qeverisë së shkuar lidhur me procesin e legalizimeve, teksa shtoi se në shumë qytete jane legalizuar objekte që janë në kundërshtim me projektet urbanistike. “Qeveria e kaluar bëri vetëm 2407 legalizime në 8 vjet, ndërsa ne sot legalizojmë dhe kthejmë në pronë mundin e 1000 familjeve”, u shpreh kreu i qeverisë. Rama në këtë takim shoqërohej nga ministrja e Zhvillimit Urban dhe Turizmit, Eglantina Gjermeni.

HermesNews - ©2014

Dërgo me email | Stampo artikullin